Conventus: Monumenta viaeque

[Teo]

Segnalo questo convegno INTERAMENTE in latino, che si svolgerà a Roma dal 9 al 16 luglio 2010.
Trovate il programma completo qui:
http://www.monumentaviaeque.eu/agenda.pdf
Teo Orlando

http://www.monumentaviaeque.eu/

MONVMENTA VIAEQVE

In honorem et memoriam Iohannis Ørberg

Historia testis temporum, lux veritatis, vita memoriae, magistra vitae, nuntia vetustatis (Cic. De or. 2, 9, 36)

Longum iter est per praecepta, breve et efficax per exempla (Sen. Ep. ad Luc. 6, 5)

Romae, a die IX ad diem XVI m. Iulii a. MMX

lege plura hic

Multis instantibus et rogantibus, huic conventui intra diem XV mensis Iuni nomen dare licebit.

Cum Academiae Vivarii novi sodales Romam, in Urbem aeternam, haud ita pridem Lares transtulissent, non abs re novum ibidem instituere conventum iudicarunt, qui esset cum de viis rationibusque linguae Latinae docendae efficacioribus reddendis, tum etiam de litterarum operibus eorumque momento ad iuvenum potissimum animos informandos totamque hominum societatem pro virili iuvandam.

Mane igitur, plerumque in Academiae Vivarii novi sede, methodi excutientur ac monstrabuntur docendi sive recentiores sive vetustiores et iam ab humanistis, qui dicuntur, in usum inductae. Post meridiem vero, saepe in magnificentissimis villis renascentium artium aetate aedificatis, de litterarum monumentis disputabitur ipsorumque scriptorum sive antiquiorum sive recentiorum opera excutientur.

Nam, ut Iohannes Caselius belle scripsit, hinc adolescens ingenuus, ingenio abundans, et vestigiis ducis periti ingrediens, non solum sermonem Romanum plene cognoscere, sed et sublimiora perdiscere bene poterit; illinc pro certo habemus nihil esse in natura rerum, quod ita mores erudiat, ut litterarum studia, nihil tam in omnes partes fusas utilitates habere, quam humanitatem et doctrinam.

De lingua seminariorum propria
Lingua seminariorum propria erit sermo Latinus.

De diplomatis quae testimonio sint aliquem seminariis interfuisse
Sub seminariorum finem omnibus qui nomine temperi dato interfuerunt diploma concedetur.

De nomine seminariis dando
Qui seminariis interesse volunt, ii per schedam in pagina nostra positam vel litteras, quibus omnia indicia necessaria contineantur, instrumento telisographico, cursu electronico publicove missas nomen dare possunt intra diem XV m. Iunii a. MMX. Intra eundem diem solvatur oportet integrum pretium commorandi et participandi; cum enim cubicula sint in antecessum reservanda, si quis ultimo temporis puncto casu quodam impediatur quominus seminariorum particeps sit, ei pecunia soluta non reddetur. Ei, qui nomen dare velit, erunt solvendi: XXX nummi Europaei.

Moderatores seminariorum et oratores:

Seminaria mane ipsi Vivarii novi magistri moderabuntur, qui vias rationesque docendi monstrabunt. Post meridiem vero, scriptorum opera commentabuntur:

· Michael de Albrecht (Studiorum universitas Heidelbergensis)

· Valtherius Calboli (Studiorum universitas Bononiensis)

· Francisca Deraedt (Opus fundatum c. n. Melissa, Bruxellis)

· Ladislaus Dolidon (Academia Vivarii novi)

· Andreas Fritsch (Libera studiorum universitas Berolinensis)

· Gaius Licoppe (Opus fundatum c. n. Melissa, Bruxellis)

· Annula Llewellyn (Catholica studiorum universitas Wyomingensis)

· Ioseph Maria Maestre (Studiorum universitas Gaditana)

· Paula Marongiu (Lyceum a Dante Alighieri nuncupatum – Florentiae)

· Matthaeus McGowan (Studiorum universitas Neoeboracensis a Fordham nuncupata)

· Aloisius Miraglia (Academia Vivarii novii)

· David K. Money (Studiorum universitas Cantabrigiensis)

· Bohumila Mouchová (Studiorum universitas Pragensis)

· Claudius Piga (Academia Vivarii novi)

· Ioannes Carolus Rossi (Opus fundatum c. n. Latinitas – Civitate Vaticana)

· Curtius Smolak (Studiorum universitas Vindobonensis)

· Alexius Solopov (Studiorum universitas Moscuensis a Lomonosov nuncupata)

· Bernardus Teuber (Studiorum universitas Monacensis)

· Dominicus Viain (Studiorum universitas a S. Pio X nuncupata – Lutetiae Parisiorum)

· Accius Watanabe (Studiorum universitas Californiana a Davis nuncupata)

· Iulia Wildberger (Americana studio rum universitas Lutetiae sita)

[Autore]

Post