Così su Bibliotheca augustana
C a r m e n L V I I I a
[ad Camerium.]
Non custos si fingar ille Cretum,
non Ladas ego pinnipesve Perseus,
non si Pegaseo ferar volatu,
non Rhesi niveae citaeque bigae;
adde huc plumipedas volatilesque,
ventorumque simul require cursum,
quos vinctos, Cameri, mihi dicares:
defessus tamen omnibus medullis
et multis languoribus peresus
essem te mihi, amice, quaeritando.
così su Itinera Electronica
[55] LV. ad Camerium
ORAMVS, si forte non molestum est,
demonstres ubi sint tuae tenebrae.
te Campo quaesiuimus minore,
te in Circo, te in omnibus libellis,
(5) te in templo summi Iouis sacrato.
in Magni simul ambulatione
femellas omnes, amice, prendi,
quas uultu uidi tamen sereno.
auelte, sic ipse flagitabam,
(10) Camerium mihi pessimae puellae.
quaedam inquit, nudum reduc…
‘en hic in roseis latet papillis.’
sed te iam ferre Herculi labos est;
tanto te in fastu negas, amice.
(15) dic nobis ubi sis futurus, ede
audacter, committe, crede luci.
nunc te lacteolae tenent puellae?
si linguam clauso tenes in ore,
fructus proicies amoris omnes.
(20) uerbosa gaudet Venus loquella.
uel, si uis, licet obseres palatum,
dum uestri sim particeps amoris.
google Books invece ha questo (vedi pag. 141)
http://books.google.it/books?id=uv0RAAAAIAAJ&pg=PA143&lpg=PA143&dq=custos+fingar+ille+cretum&source=bl&ots=0fsJrr5Our&sig=f8iXuehQAAhaRPyOPWf55QJMnfM&hl=it&sa=X&oi=book_result&resnum=4&ct=result#PPA143,M1